វេទិកា សំណួរ-ចម្លើយ
តេស្តសំណួរអុិស្លាម
ឯកសារកូដ
ការសន្ទនាស្តីអំពីតៅហេទ
សំណួរ និងចម្លើយខ្លីៗអំពីគោលជំនឿនៅក្នុងសាសនាអ៊ីស្លាម។
សំនួរទី១ ៖ តើយើងយកគោលជំនឿរបស់យើងមកពីណា?
យកមកពីគម្ពីរអាល់គួរអាន និង ស៊ុណ្ណះ ។
សំនួរទី២ ៖ តើអល់ឡោះនៅឯណា?
👍🏻
នៅលើមេឃ នៅលើអារ៉ស្ហ ។
សំនួរទី៣ ៖ តើឯណាទៅភស្តុតាងពីគម្ពីរអាល់គួរអានដែលបញ្ជាក់ថា អល់ឡោះនៅលើអារ៉ស្ហនោះ?
អល់ឡោះបានមានបន្ទូលនៅក្នុងជំពូក តហា ឃ្លាទី៥ ថា ៖
﴿الرَّحْمَٰنُ عَلَى الْعَرْشِ اسْتَوَىٰ﴾ [سورة طه(5)]
មានន័យថា ៖ « ទ្រង់ជាម្ចាស់មហាសប្បុរសនៅលើអារ៉ស្ហ » ។
សំនួរទី៥ ៖ តើអល់ឡោះបានបង្កើតជិន និងមនុស្សលោកមកដើម្បីអ្វី?
គឺដើម្បីតែគោរពសក្ការៈចំពោះទ្រង់តែមួយគត់ ដោយគ្មានការបង្កើតដៃគូ(ស្ហីរិក)នឹងទ្រង់ឡើយ ។
សំនួរទី៦ ៖ តើឯណាទៅភស្តុតាងពីគម្ពីរអាល់គួរអានដែលបញ្ជាក់ថា អល់ឡោះបានបង្កើតជិន និងមនុស្សលោកមកដើម្បីតែគោរពសក្ការៈចំពោះទ្រង់?
អល់ឡោះបានមានបន្ទូលថា ៖
﴿وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ﴾ [سورة الذاريات(56)]
មានន័យថា ៖ « យើងមិនបានបង្កើតជិន និងមនុស្សលោកក្រៅពីឲ្យពួកគេគោរពសក្ការៈមកចំពោះយើងឡើយ » ។
សំនួរទី៧ ៖ តើពាក្យថា « យ៉ាក់ប៊ូឌូន » មានន័យដូចម្តេច?
មានន័យថា « ពួកគេត្រូវគោរពសក្ការៈចំពោះអល់ឡោះតែមួយគត់ » ។
សំនួរទី៨ ៖ តើពាក្យថា « ឡា - អ៊ីឡាហា - អ៊ីលឡាលឡោះ » មានន័យដូចម្តេច?
មានន័យថា « គ្មានម្ចាស់ណាដែលត្រូវគេគោរពសក្ការៈដ៏ពិតប្រាកដក្រៅពីអល់ឡោះឡើយ » ។
សំនួរទី៩ ៖ តើការគោរពសក្ការៈណាមួយដែលចំបងជាងគេ?
គឺតៅហេត (ការគោរពសក្ការៈចំពោះអល់ឡោះតែមួយគត់) ។
សំនួរទី១០ ៖ តើអំពើបាបណាមួយដែលចំបងជាងគេ?
គឺស្ហីរិក (ការគោរពចំពោះអល់ឡោះរួមជាមួយវត្ថុ ឬអ្នកផ្សេងក្រៅពីអល់ឡោះ) ។
សំនួរទី១១ ៖ តើអ្វីទៅជាតៅហេទ?
គឺឯកទេពចំពោះអល់ឡោះដោយការគោរពសក្ការៈ ។
សំនួរទី១២ ៖ តើអ្វីទៅជាស្ហីរិក?
គឺការគោរពចំពោះវត្ថុ ឬអ្នកផ្សេងក្រៅពីអល់ឡោះរួមជាមួយអល់ឡោះ ។
សំនួរទី១៣ ៖ តើតៅហេទមានប៉ុន្មានផ្នែក?
មានបីផ្នែក ។
សំនួរទី១៤ ៖ តើផ្នែកតៅហេទទាំងនោះមានអ្វីខ្លះ?
មានដូចជា ៖
១-តៅហេទរូពូពីយ៉ះ(توحيد الربوبية)
២-តៅហេទអ៊ូលូហ៊ីយ៉ះ(توحيد الألوهية)
៣-តៅហេទអាស្មាកនិងអាសស៊ីហ្វាត(توحيد الأسماء والصفات) ។
សំនួរទី១៥ ៖ តើអ្វីទៅជានិយមន័យនៃតៅហេទរូពូពីយ៉ះ?
គឺឯកទេពចំពោះអល់ឡោះក្នុងរឿងសកម្មភាពរបស់ទ្រង់ ពោលគឺ ត្រូវមានជំនឿថា អល់ឡោះតែមួយជាអ្នកបង្កើតអ្វីៗទាំងអស់ ជាម្ចាស់កម្មសិទ្ធិលើអ្វីៗទាំងអស់ និងជាអ្នកគ្រប់គ្រងចាត់ចែងលើអ្វីៗទាំងអស់ ។ល។
សំនួរទី១៦ ៖ តើអ្វីទៅជានិយមន័យនៃតៅហេទអ៊ូលូហ៊ីយ៉ះ?
គឺឯកទេពចំពោះអល់ឡោះក្នុងរឿងសកម្មភាពរបស់បណ្តាខ្ញុំបំរើរបស់អល់ឡោះ ពោលគឺ ត្រូវមានជំនឿថា អល់ឡោះតែមួយជាម្ចាស់ដែលត្រូវគេធ្វើការគោរពសក្ការៈ ដូចជា ការសុំបួងសួង ការសំឡេះ ការលុតក្រាបទៅនឹងដី ។ល។
សំនួរទី១៧ ៖ តើអល់ឡោះមានបណ្តាឈ្មោះ និងលក្ខណៈសម្បតិ្តដែរឬទេ?
បាទមាន ។
សំនួរទី១៨ ៖ តើយើងយកបណ្តាឈ្មោះ និងលក្ខណៈសម្បតិ្តរបស់អល់ឡោះមកពីណា?
យកមកពីគម្ពីរអាល់គួរអាន និង ស៊ុណ្ណះ ។
សំនួរទី១៩ ៖ តើលក្ខណៈសម្បតិ្តរបស់អល់ឡោះដូចលក្ខណៈសម្បតិ្តរបស់យើងដែរឬទេ?
គឺមិនដូចនោះទេ ។
សំនួរទី២០ ៖ តើឯណាទៅភស្តុតាងពីគម្ពីរអាល់គួរអានដែលបញ្ជាក់ថា លក្ខណៈសម្បតិ្តរបស់អល់ឡោះមិនដូចទៅនឹងលក្ខណៈសម្បត្តិរបស់យើងនោះ?
អល់ឡោះបានមានបន្ទូលថា ៖
﴿لَيْسَ كَمِثْلِهِ شَيْءٌ ۖ وَهُوَ السَّمِيعُ الْبَصِيرُ﴾ [سورة الشورى(11)]
មានន័យថា ៖ « គ្មានអ្វីមកប្រដូចនឹងទ្រង់បានឡើយ។ ហើយទ្រង់មហាឮ មហាឃើញ » ។
សំនួរទី២១ ៖ តើគម្ពីរអាល់គួរអានជាពាក្យសម្ដីរបស់អ្នកណា?
ជាពាក្យសម្ដីរបស់អល់ឡោះ ។
សំនួរទី២២ ៖ តើគម្ពីរគួរអាន ជាគម្ពីរត្រូវបានបញ្ចុះ ឬជាម៉ាក្លូក(ត្រូវគេបង្កើត)?
គឺជាគម្ពីរត្រូវបានបញ្ចុះ វាជាពាក្យសម្ដីរបស់អល់ឡោះទាំងតួអក្សរ និងសំឡេង ។
សំនួរទី២៣ ៖ តើអ្វីទៅជាការប្រោស?
គឺជាការប្រោសមនុស្សលោកឲ្យរស់ឡើងវិញបន្ទាប់ពីស្លាប់ ។
សំនួរទី២៤ ៖ តើឯណាទៅភស្តុតាងពីគម្ពីរអាល់គួរអានដែលបញ្ជាក់ថា អ្នកដែលបានបដិសេធនៃការប្រោសបានក្លាយជាជនកាហ្វៀត(ជនគ្មានជំនឿលើអល់ឡោះ)?
អល់ឡោះបានមានបន្ទូលថា ៖
﴿وَقَالُوا إِنْ هِيَ إِلَّا حَيَاتُنَا الدُّنْيَا وَمَا نَحْنُ بِمَبْعُوثِينَ﴾ [سورة الأنعام(29)]
មានន័យថា ៖ « ពួកអ្នកដែលគ្មានជំនឿបាននិយាយថាៈ គ្មានការរស់នៅណាក្រៅពីការរស់នៅក្នុងលោកិយរបស់ពួកយើងឡើយ ហើយពួកយើងក៏មិនត្រូវគេធ្វើឲ្យរស់ឡើងវិញដែរ » ។
សំនួរទី២៥ ៖ តើឯណាទៅភស្តុតាងពីគម្ពីរអាល់គួរអានដែលបញ្ជាក់ថា អល់ឡោះពិតជានឹងប្រោសពួកយើងឲ្យរស់ឡើងវិញនោះ?
អល់ឡោះបានមានបន្ទូលថា ៖
﴿وَأَنَّ السَّاعَةَ آتِيَةٌ لَا رَيْبَ فِيهَا وَأَنَّ اللَّهَ يَبْعَثُ مَنْ فِي الْقُبُورِ﴾ [سورة الحج(7)]
មានន័យថា ៖ « ពិតប្រាកដណាស់ ថ្ងៃបរលោកនឹងមកដល់ដោយគ្មានការសង្ស័យអំពីវាឡើយ។ ហើយពិតប្រាកដណាស់ អល់ឡោះធ្វើឲ្យអ្នកដែលនៅក្នុងផ្នូរទាំងអស់រស់ឡើងវិញ » ។
សំនួរទី២៦ ៖ តើរ៉កុន(សសរស្តម្ភ)ឥស្លាមមានប៉ុន្មាន?
មានប្រាំ ។
សំនួរទី២៧ ៖ តើរ៉កុន(សសរស្តម្ភ)អ៊ីម៉ាន់មានប៉ុន្មាន?
មានប្រាំមួយ ។
សំនួរទី២៨ ៖ តើរ៉កុន(សសរស្តម្ភ)អៀសសានមានប៉ុន្មាន?
រ៉កុនអៀសសាន(الإحسان)មានតែមួយគត់ គឺការគោរពសក្ការៈទៅចំពោះអល់ឡោះ ហាក់ដូចជាអ្នកមើលឃើញទ្រង់។ ទោះជាជាក់ស្តែងអ្នកមិនបានមើលឃើញទ្រង់ តែទ្រង់មើលឃើញអ្នកជានិច្ច ។
សំនួរទី២៩ ៖ តើអ្វីទៅជានិយមន័យឥស្លាម?
គឺការចុះចូលចំពោះអល់ឡោះជាម្ចាស់ដោយការគោរពសក្ការៈចំពោះទ្រង់តែមួយគត់ និងការគោរពប្រតិបត្តិតាមទ្រង់ ចៀសវាងពីស្ហីរិក(ការគោរពសក្ការៈអល់ឡោះរួមជាមួយវត្ថុ ឬអ្នកផ្សេងក្រៅពីទ្រង់) និងបក្សពួកនៃស្ហីរិក ។
សំនួរទី៣០ ៖ តើអ្វីទៅជានិយមន័យអ៊ីម៉ាន់?
គឺត្រូវជឿចំពោះអល់ឡោះ ត្រូវជឿចំពោះបណ្តាម៉ាឡាកាត់របស់ទ្រង់ ត្រូវជឿចំពោះបណ្តាគម្ពីររបស់ទ្រង់ ត្រូវជឿចំពោះបណ្តារ៉សូល(អ្នកនាំសារ)របស់ទ្រង់ ត្រូវជឿចំពោះថ្ងៃបរលោក ហើយត្រូវជឿចំពោះការកំណត់វាសនាល្អឬអាក្រក់របស់ទ្រង់ ។
ហើយអ៊ីម៉ាន់(ជំនឿ)នោះទៀត គឺជាការជឿជាក់ក្នុងចិត្ត ការពោលនឹងអណ្តាត ប្រតិបត្តិដោយកាយវិការ អ៊ីម៉ាន់(ជំនឿ)វាកើនឡើងដោយការគោរពធ្វើតាម និងថយចុះដោយការប្រព្រឹត្តបទល្មើស ។
សំនួរទី៣១ ៖ តើយើងសំឡេះសត្វ និងលុតក្រាបទៅនឹងដីសម្រាប់អ្នកណា?
សម្រាប់អល់ឡោះតែមួយគត់ ដោយគ្មាស្ហីរិកនឹងទ្រង់ឡើយ ។
សំនួរទី៣២ ៖ តើគេអនុញ្ញាតឲ្យសំឡេះសត្វ និងលុតក្រាបទៅនឹងដីសម្រាប់អ្វីផ្សេងក្រៅពីអល់ឡោះបានដែរឬទេ?
ទេ គេមិនអនុញ្ញាតទេ ។
សំនួរទី៣៣ ៖ តើអ្វីទៅជាច្បាប់នៃការសំឡេះសត្វ និងលុតក្រាបទៅនឹងដីសម្រាប់អ្វីផ្សេងក្រៅពីអល់ឡោះនោះ?
គឺជាស្ហីរិកធំ ។
ប្រែសម្រួលដោយ: Husain Abdulkarim
ចំណេះដឹង | ភាសាអារ៉ាប់
