វេទិកា សំណួរ-ចម្លើយ
តេស្តសំណួរអុិស្លាម
ឯកសារកូដ
សំនួរទី១ ៖
តើយើងយកគោលជំនឿរបស់យើងមកពីណា ?
ចំលើយ ៖ យកមកពីគម្ពីរអាល់គួរអាន និង ស៊ុណ្ណះ ។
សំនួរទី២ ៖
តើអល់ឡោះនៅឯណា ?
ចំលើយ ៖ នៅលើមេឃ នៅលើបល្ល័ង្ក(អារ៉ស្ហ) ។
សំនួរទី៣ ៖
តើឯណាទៅភស្តុតាងពីគម្ពីរអាល់គួរអានដែលបញ្ជក់ថា អល់ឡោះនៅលើបល្ល័ង្ក(អារ៉ស្ហ)នោះ ?
ចំលើយ ៖ អល់ឡោះបានមានព្រះបន្ទូលនៅក្នុងជំពូក តហា ឃ្លាទី៥ ថា ៖
(ﺍﻟﺮﺣﻤﻦ ﻋﻠﻰ ﺍﻟﻌﺮﺵ ﺍﺳﺘﻮى)
❝ ម្ចាស់មហាសប្បុរសបាននៅលើបល្ល័ង្ក(អារ៉ស្ហ) ។ ❞
សំនួរទី៤ ៖
តើពាក្យថា "អ៊ីស្តាវ៉ា" មានន័យដូចម្តេច ?
ចំលើយ ៖ មានន័យថា បានឡើងលើ បាននៅលើ ។
សំនួរទី៥ ៖
តើអល់ឡោះបានបង្កើតជិន និងមនុស្សលោកមកដើម្បីអ្វី ?
ចំលើយ ៖ គឺដើម្បីតែគោរពសក្ការៈចំពោះទ្រង់តែមួយគត់ដោយគ្មានការបង្កើតដៃគូ(ស្ហីរិក)នឹងទ្រង់ឡើយ ។
សំនួរទី៦ ៖
តើឯណាទៅភស្តុតាងពីគម្ពីរអាល់គួរអានដែលបញ្ជាក់ថា អល់ឡោះបានបង្កើតជិន និងមនុស្សលោកមកដើម្បីតែគោរពសក្ការៈចំពោះទ្រង់ ?
ចំលើយ ៖ អល់ឡោះបានមានព្រះបន្ទូលថា ៖ ❝ យើងមិនបានបង្កើតជិន និងមនុស្សលោកដើម្បីអ្វីក្រៅពីដើម្បីអោយពួកគេគោរពសក្ការៈមកចំពោះយើងឡើយ) ។ ❞
សំនួរទី៧ ៖
តើពាក្យថា "យ៉ាក់ប៊ូឌូន" មានន័យដូចម្តេច ?
ចំលើយ ៖ មានន័យថា គឺពួកគេត្រូវគោរពសក្ការៈចំពោះអល់ឡោះតែមួយព្រះអង្គគត់ ។
សំនួរទី៨ ៖
តើពាក្យថា "ឡើអ៊ីឡើហា អ៊ិលលុលឡោះ" មានន័យដូចម្តេច ?
ចំលើយ ៖ មានន័យថា គឺគ្មានម្ចាស់ឯណាដែលត្រូវគេគោរពសក្ការៈដ៏ពិតពិតប្រាកដក្រៅពីអល់ឡោះឡើយ ។
សំនួរទី៩ ៖
តើការគោរពសក្ការៈណាមួយដែលចំបងជាងគេ ?
ចំលើយ ៖ គឺតៅហេត(ការគោរពសក្ការៈចំពោះអល់ឡោះតែមួយព្រះអង្គគត់) ។
សំនួរទី១០ ៖
តើអំពើបាបណាមួយដែលចំបងជាងគេ ?
ចំលើយ ៖ គឺស្ហីរិក(ការគោរពចំពោះអល់ឡោះរួមជាមួយវត្ថុ ឬអ្នកផ្សេងក្រៅពីអល់ឡោះ) ។
សំនួរទី១១ ៖
តើអ្វីទៅជាតៅហេត ?
ចំលើយ ៖ គឺឯកទេពចំពោះអល់ឡោះដោយការគោរពសក្ការៈ ។
សំនួរទី១២ ៖
តើអ្វីទៅជាស្ហីរិក ?
ចំលើយ ៖ គឺការគោរពចំពោះវត្ថុ ឬអ្នកផ្សេងក្រៅពីអល់ឡោះរួមជាមួយអល់ឡោះ ។
សំនួរទី១៣ ៖
តើតៅហេតមានប៉ុន្មានផ្នែក ?
ចំលើយ ៖ មានបីផ្នែក ។
សំនួរទី១៤ ៖
តើផ្នែកតៅហេតទាំងនោះមានអ្វីខ្លះ ?
ចំលើយ ៖
១- រូប៊ូប៊ីយ៉ាស់
២-អ៊ូលូហ៊ីយ៉ាស់
៣-អាស្មាក និង ស៊ីហ្វាត ។
សំនួរទី១៥ ៖
តើអ្វីទៅជានិយមន័យនៃតៅហេតរូប៊ូប៊ីយ៉ាស់ ?
ចំលើយ ៖ គឺឯកទេពចំពោះអល់ឡោះក្នុងរឿងសកម្មភាពរបស់ទ្រង់។ ដូចជា ៖ ការបង្កើត ការផ្តល់ជីវភាព ។ល។
សំនួរទី១៦ ៖
តើអ្វីទៅជានិយមន័យនៃតៅហេតអ៊ូលូហ៊ីយ៉ាស់ ?
ចំលើយ ៖ គឺឯកទេពចំពោះអល់ឡោះក្នុងរឿងសកម្មភាពរបស់បណ្តាខ្ញុំបំរើរបស់អល់ឡោះ។ ដូចជា ៖ ការសុំបួងសួង ការសំឡេះ ការលុតក្រាបទៅនឹងដី ។
សំនួរទី១៧ ៖
តើអល់ឡោះមានបណ្តាឈ្មោះ និងលក្ខណៈសម្បតិ្តដែរឬទេ ?
ចំលើយ ៖ បាទមាន ។
សំនួរទី១៨ ៖
តើយើងយកបណ្តាឈ្មោះ និងលក្ខណៈសម្បតិ្តរបស់អល់ឡោះមកពីណា ?
ចំលើយ ៖ យកមកពីគម្ពីរអាល់គួរអាន និង ស៊ុណ្ណះ ។
សំនួរទី១៩ ៖
តើលក្ខណៈសម្បតិ្តរបស់អល់ឡោះដូចលក្ខណៈសម្បតតរបស់យើងដែរឬទេ ?
ចំលើយ ៖ គឺមិនដូចទេ ។
សំនួរទី២០ ៖
តើឯណាទៅភស្តុតាងពីគម្ពីរអាល់គួរអានដែលបញ្ជាក់ថា លក្ខណៈសម្បតិ្តរបស់អល់ឡោះមិនដូចទៅនឹងលក្ខណៈសម្បត្តិរបស់យើងនោះ ?
ចំលើយ ៖ អល់ឡោះបានមានព្រះបន្ទូលថា ៖ ❝ គ្មានអ្វីមួយដូចនឹងទ្រង់ទេ គឺទ្រង់ជាព្រះជាម្ចាស់មហាស្តាប់លឺ មហាមើលឃើញ) ។ ❞
សំនួរទី២១ ៖
តើគម្ពីរអាល់គួរអានជាពាក្យសំដីរបស់អ្នកណា ?
ចំលើយ ៖ ជាពាក្យសំដីរបស់អល់ឡោះ ។
សំនួរទី២២ ៖
ជាគម្ពីរត្រូវបានបញ្ចុះ ឬជាម៉ាក្លូក(ត្រូវគេបង្កើត) ?
ចំលើយ ៖ គឺជាគម្ពីរត្រូវបានបញ្ចុះ វាជាពាក្យសំដីរបស់អល់ឡោះទាំងតួអក្សរ និងសំលេង ។
សំនួរទី២៣ ៖
តើអ្វីទៅជាការប្រោស ?
ចំលើយ ៖ គឺជាការប្រោសមនុស្សលោកអោយរស់ឡើងវិញបន្ទាប់ពីស្លាប់ ។
សំនួរទី២៤ ៖
តើឯណាទៅភស្តុតាងពីគម្ពីរអាល់គួរអានដែលបញ្ជាក់ថា អ្នកដែលបានបដិសេធនៃការប្រោសបានក្លាយជាជនកាហ្វៀរ(ជនគ្មានជំនឿលើអល់ឡោះ) ?
ចំលើយ ៖ អល់ឡោះបានមានបន្ទូលថា ៖ ❝ ពួកអ្នកដែលគ្មានជំនឿបានអះអាងថាពួកគេនឹងមិនត្រូវបានគេប្រោសអោយរស់ឡើងវិញសោះឡើយ) ។ ❞
សំនួរទី២៥ ៖
តើឯណាទៅភស្តុតាងពីគម្ពីរអាល់គួរអានដែលបញ្ជាក់ថា អល់ឡោះពិតជានឹងប្រោសពួកយើងអោយរស់ឡើងវិញនោះ ?
ចំលើយ ៖ អល់ឡោះបានមានបន្ទូលថា ៖ ❝ ឱមូហាំម៉ាត់! ចូរអ្នកនិយាយប្រាប់ពួកគេចុះថា ប៉ុន្តែផ្ទុយទៅវិញ ខ្ញុំសូមសច្ចានឹងម្ចាស់របស់ខ្ញុំចុះថា ពួកអ្នកប្រាកដជានឹងត្រូវគេប្រោសអោយរស់ឡើងវិញជាក់ជាពុំខានឡើយ) ។ ❞
សំនួរទី២៦ ៖
តើរូកុន(សសរស្តម្ភ)ឥស្លាមមានប៉ុន្មាន ?
ចំលើយ ៖ មានប្រាំ ។
សំនួរទី២៧ ៖
តើរូកុន(សសរស្តម្ភ)អ៉ីម៉ាន់មានប៉ុន្មាន ?
ចំលើយ ៖ មានប្រាំមួយ ។
សំនួរទី២៨ ៖
តើរូកុន(សសរស្តម្ភ)អៀសសានមានប៉ុន្មាន ?
ចំលើយ ៖ មានមួយ។
សំនួរទី២៩ ៖
តើអ្វីទៅជានិយមន័យឥស្លាម ?
ចំលើយ ៖ គឺការចុះចូលចំពោះអល់ឡោះជាម្ចាស់ដោយការគោរពសក្ការៈចំពោះទ្រង់តែមួយគត់ និងការគោរពប្រតិបត្តិតាមទ្រង់ ចៀសវាងពីស្ហីរិក(ការគោរពសក្ការៈអល់ឡោះរួមជាមួយវត្ថុ ឬអ្នកផ្សេងក្រៅពីទ្រង់) និងបក្សពួកនៃស៊ីរិក ។
សំនួរទី៣០ ៖
តើអ្វីទៅជានិយមន័យអ៉ីម៉ាន់ ?
ចំលើយ ៖ គឺត្រូវជឿចំពោះអល់ឡោះ ត្រូវជឿចំពោះបណ្តាម៉ាឡៃកាត់របស់ទ្រង់ ត្រូវជឿចំពោះបណ្តាគម្ពីររបស់ទ្រង់ ត្រូវជឿចំពោះបណ្តារ៉សូល(អ្នកនាំសារ)របស់ទ្រង់ ត្រូវជឿចំពោះថ្ងៃបរលោក ហើយត្រូវជឿចំពោះការកំណត់វាសនាល្អឬអាក្រក់របស់ទ្រង់។
ហើយអ៉ីម៉ាន់(ជំនឿ)នោះទៀត គឺជាការជឿជាក់ក្នុងចិត្ត ការពោលនឹងអណ្តាត ប្រតិបត្តិដោយកាយវិការ អ៉ីម៉ាន់(ជំនឿ)វាកើនឡើងដោយការគោរពធ្វើតាម និងថយចុះដោយការប្រព្រឹត្តបទល្មើស ។
សំនួរទី៣១ ៖
តើយើងសំឡេះសត្វនិងលុតក្រាបទៅនឹងដីសំរាប់អ្នកណា ?
ចំលើយ ៖ សំរាប់អល់ឡោះតែមួយគត់ដោយគ្មាស្ហីរិកនឹងទ្រង់ឡើយ ។
សំនួរទី៣២ ៖
តើគេអនុញ្ញាតអោយសំឡេះសត្វ និងលុតក្រាបទៅនឹងដីសំរាប់អ្វីផ្សេងក្រៅពីអល់ឡោះបានដែរឬទេ ?
ចំលើយ ៖ ទេ គេមិនអនុញ្ញាតទេ ។
សំនួរទី៣៣ ៖
តើអ្វីទៅជាច្បាប់នៃការសំឡេះសត្វ និងលុតក្រាបទៅនឹងដីសំរាប់អ្វីផ្សេងក្រៅពីអល់ឡោះនោះ ?
ចំលើយ ៖ គឺជាស្ហីរិកធំ ៕